Pantoen Aceh: Gaya Syuting Film

Oleh: Munawierss*

Tebar Suara | Mangat bit mangat timphan boh labu
Dalam asoe u ngon asoe kaya
Adak ka mlam lon khun how ar yu
Umi ngon abu sinan pue haba

Oh ban ka ta eh ta pulen lampu
Jangkrik d musu rap sagoe binteh
Lon neuk cerita bacuet hy tungku
Leh kisah lucu atawa pudeh

Awai mula phon wahe e abu
Teungoh lon turu atawa ku eh
Na troh panggilan bak mik ji musu
Termasuk aku ji yu jak keudeh

Mata lon tublut lon duk bubagah
Atuh puratah gese mu ija
Langsoeng beurangkat lon ato langkah
Pue na masalah pue kuh ka gura

Keudeh bak tv ulon yu langkah
Jantoeng rap leupah pike pue bala
Sunang ngon sudeh mujampu gundah
Sang sang cit nafah tusuet uluwa

Rupajih na buet wahe e ayah
Ulon mutuwah yue mat kamera
Barang cukoep brat harga meulumpah
Rap apoh apah peutimang gaya

300 juta barang ji pugah
Takoet mulumpah loen dungoe harga
Bugoet tajaga barang brk bukah
Umi mutuwah bek sagai lupa

Urueng meu lakon syuting keu pilem
Nyan kat ngon eksyen syit ka biasa
Teuma masalah wahe e polem
Ase(ac) lam geudoeng lupie lupahna

Maklum hay teungku lon urueng gampoeng
Han ek lon aroeng lagee nyan bala
Jan dua uroe duek dalam geudoeng
Saket ngon usoeng laju di tuka

Mumada ohnoe syara mutuah
Haba lon pushah sang cukoep gura
Uram ngon ujoeng ka hana le pah
Pat2 yg salah peubutoi sigra.

*) Alumni Pelajar 

 ihyaa boarding school Tinggal di Medan, Asal Aceh

SHARE THIS